БРИКС Вăййисене 10 пин билет туяннă та ӗнтӗ

Çакăн пирки Вăййа йӗркелекенсем пӗлтереççӗ. 

Ăмăрту кăçалхи июнӗн 11-мӗшӗнчен пуçласа 23-мӗшӗччен Хусанта иртет. Хальхи вăхăтра хăш-пӗр дисциплинăсемпе — ишессипе, спорт гимнастикипе, фехтованипе, синхронлă ишессипе, дзюдопа, шыва сикессипе, бадминтонпа, каратепе, спорт кӗрешӗвӗпе, самбопа тата ыттипе — билетсем туянма май пур. 

ТР спорт министрӗ Владимир Леонов каланă тăрăх, майăн 6-7-мӗшӗсенче ытти дисциплинăсемпе те билетсем сутлăха тухаççӗ. Çав шутра çăмăл атлетика, художествăлла гимнастика, пляж волейболӗ, бокс, сӗтел çи теннис, авăсса ишмелли спорт, теннис, йывăр атлетика.

Сăнӳкерчӗк «Татар-информ» ИА.