«Чи лайăх педагог династийӗ» конкурса заявкăсем йышăнма пуçланă

Пирӗн çӗршыв педагогсен династийӗсемпе чăнах та пуян. Нумайăшӗн историйӗ XIX ӗмӗртех пуçланнă, хăш-пӗрисен педагогикăри пӗрлехи стажӗ вара пин çултан та иртет-мӗн. Çакăн çинчен РФ çутӗç минситрӗ С.Кравцов та каланă.

«Чи лайăх педагог династийӗ» конкурс виçӗ номинаципе иртет:

× «Фундамент будущего» (пӗтӗмӗшле педагогика стажӗ 50 çултан пуçласа 150 çулччен шутланакан династисем валли);

× «Призвание быть» (пӗтӗмӗшле педагогика стажӗ 151 çултан пуçласа 300 çулччен шутланакан династисем валли);

× «Из века в век» (пӗтӗмӗшле педагогика стажӗ 300 çултан та ытларах династисем валли).

Конкурс икӗ тапхăрпа иртет. Пӗрремӗш тапхăрта хутшăнакансен заявка памалла. Унпа пӗрле династири педагогсен портретлă тата пӗрле ӳкерӗннӗ сăнӳкерчӗкӗсене, çемьери педагогсен ӗçӗ-хӗлӗ, миçе ăру пулнине, мӗнле наградăсем илнине кăтартакан, педагогикăри стажӗ пирки каласа паракан видеовизиткăн ссылкине ярса памалла. Çак материалсене жюри пăхса тухса хаклать те 30-тан ытла мар династие суйласа илет.

Конкурсăн 2-мӗш тапхăрӗ октябрӗн 12-мӗшӗнче Ӗпхӳ хулинче виçӗ турпа иртет.

Хутшăнас текенсен заявкăна 2023 çулхи сентябрӗн 15-мӗшӗччен ped.dynasty@bspu.ru электронлă адреспа ярса памалла.