«Çулталăк хӗрарăмӗ. Çулталăк арçынни: хӗрарăм куçӗпе» республика конкурсӗнче чи пултаруллисене тупса палăртасшăн

Конкурсăн тӗп тӗллевӗ – республикăри социаллă пурнăçпа экономика аталанăвне пысăк тӳпе хывакан хӗрарăмсене тупса палăртасси.

Çӗнтерӳçӗсене «Хӗрарăм – анне, «Хӗрарăм –  культура тата ăс-хакăл», «Хӗрарăм – ăсчах», «Манăн шăпа – манăн професси», «Хӗрарăм – лидер», «Хӗрарăм – бизнес-леди», «Виççӗмӗш ӳсӗмри героиня», «Хӗрарăм – çулталăк тӗслӗхӗ» номинацисемпе палăртаççӗ. Çавăн пекех конкурсра хӗрарăмсен обществăлла организацийӗсене регионăн социаллă ырлăхне аталантарма, çемьене, ачасене пулăшнăшăн, ӗç коллективӗсенче лайăх условисем туса панăшăн арçынсем валли ятарлă номинацисем те пур – «Арçын – лидер» тата «Арçын – пархатарлă чӗре». 

Конкурс тапхăрӗсем:

октябрӗн 20 – мӗшӗнчен пуçласа ноябрӗн 30-мӗшӗччен муниципаллă тапхăр;

декабрӗн 1-мӗшӗнчен пуçласа февралӗн 10-мӗшӗччен зона тапхăрӗ.

Финал Хусанта Пӗтӗм тӗнчери хӗрарăмсен кунӗ умӗн иртет.

Конкурса хутшăнас тесен анкета тултармалла, видеоролик-самопрезентаци туса «Тутарстан хӗрарăмӗсем» регионти обществăлла организацин районти уйрăмӗн электронлă почти çине ярса памалла. Заявкăсене ноябрӗн 30-мӗшӗччен йышăнаççӗ.