Декабрӗн 1-мӗшӗнче Раççейре Çар мухтавӗн кунне паллă тăваççӗ

Çак куна асăнса Хура тинӗс флочӗ Севастопольте мероприятисем ирттернӗ. 
Адмиралсене пытарнă Владимирски собор-усыпальницинче кӗлӗ вуласа М.П.Лазарев, П.С.Нахимов, В.А.Корнилов, В.И.Истомин адмиралсен вилтăприсем çине чечексем хунă. Каярах Нахимов лапамӗнче митинг ирттерсе П.С.Нахимов палăкӗ умне чечек кăшăлӗсем хунă. 
Унсăр пуçне паян Севастополь бухтинче Тăван çӗршывшăн пуçӗсене хунă черноморец-моряксене асăнса чечек кăшăлне шыва антарнă. Асăну мероприятийӗсем Севастопольти Флот офицерӗсен çуртӗнчи концертпа вӗçленнӗ.