Физкультурник кунне Хусанта анлӑ ирттерӗҫ

 Хусансене Физкультурник кунне халалланӑ спорт мероприятийӗсен презентацине хутшӑнма йыхравлаҫҫӗ, ҫавӑн пекех ачисене тӳлевсӗр спорт секцийӗсене ҫыртарма. Ҫакӑн ҫинчен ТР Физкультурпа спорт комитечӗн председателӗ Альберт Салихов пӗлтернӗ

Августӑн 14-мӗшӗнче Хусанти тӑватӑ спорт площадкинче Физкультурник кунне паллӑ тӑваҫҫӗ. Ку вӑл  «Трудовые резервы» стадион, Горький ячӗллӗ парк, Пляжри спорт тӗсӗсен центрӗ тата Uram экстрим-парк. Кашни площадкӑра Хусанти спорт шкулӗсен презентацийӗ пулать. Унта кашни кӑмӑл тӑвакан хӑйӗн ачине хулари спорт секцине ҫыртарма пултарать.