Грипп тата ОРВИ чирӗсене пула Тутарстанра 550 класа шкула çӳреме чарнă

Роспотребнадзорăн Тутарстанри Управленийӗн ертӳçин çумӗ Любовь Авдонина пӗлтернӗ тăрăх, паянхи кун «разобщенире» 16,5 пин ача, ку вăл тӗрлӗ районти 550 клас. Карантина янă классем республикăри кашни районта тенӗ пекех пур. Авдонина палăртнă тăрăх, карантин меслечӗпе чирлессине чакарма усă кураççӗ, вăл эффективлă ӗçлет. Енчен те класри вӗренекенсенчен 20 е ытларах проценчӗ чирлет пулсан, ачасене килӗсене 7-10 куна ăсатаççӗ. 
«Эпир вируссене куçаракан сыпăксене тататпăр, çапла майпа эпидеми интенсивлăхӗ те чакса пырать», – тесе пӗтӗмлетнӗ вăл.