Ял халăхӗ Кăшарнине хатӗрленет

Кунта ялти техника та килнӗ. Акрелӗн хастарӗсем яланхи вак тӗлӗнче Сӗнче пăрӗнчен хӗрес касса кăларнă та ăна çавăнтах вырнаçтарнă. Кăçал вăйлă сивӗсем пайтах тăчӗç, пăр хулăн, хӗрес те илемлӗ касăлса тухнă. 
Арçынсем аслисен йăлисене тытса пыма пултарнăшăн савăнаççӗ. Ăстасем те пӗтмен-ха çак ялта!

Кăшарнине Акрелӗнче вакра шыва кӗрекенсем нумай, кӳршӗ ялсенчен те килеççӗ. Март уйăхӗчченех шыва кӗреççӗ акрельсем. Ку ялта Çарăмсан районӗнчи моржсен пӗрлешӗвӗ те пур, вӗсем Тутарстанри тӗрлӗрен сивӗ шыв ăмăртăвӗсене хутшăнаççӗ.