Качча каяс тесен Çӗнӗ çула шурă кӗпе тăхăнса кӗтсе илмелле

– Çӗнӗ çула епле кӗтсе илтӗн? – ыйтать юлташӗ Вӗçкӗн Ваççаран. 

– Парне пек. 

– Мӗнле тата вăл?

– Çӗрӗпе ёлка айӗнче выртнă...

* * *

– Çӗнӗ çула мӗнле ӗмӗт шухăшласа хутăн-ха? – ыйтать мăшăрӗ Чăнкă Мирунран. 

– Тата та ăнăçуллăрах пулас тесе.

– Э-э... Апла эс диван çинче тата та ăнăçуллăрах выртасшăн иккен-ха...

* * *

Декабрӗн 31-мӗшӗнче никам та ӗçлеменнипе ку куна канмалли тума йышăннă. Халӗ декабрӗн 30-мӗшӗнче никам та ӗçлемест. 

* * *

Икӗ пике калаçаççӗ тет. 

– Качча каяс тесен Çӗнӗ çула шурă кӗпе тăхăнса кӗтсе илмелле, – тет пӗри. 

– Вара шурă тӗс мăнтăр кăтартать вӗт?

– Санăн çинçе пилӗклӗ, анчах качча каймасăр е тулли кӗлеткеллӗ, анчах качча кайса пурăнас килет?

* * *

– Чунăм, эс мана валли Çӗнӗ çул парни туянтăн-и? – тӗпчет Чипер Марине упăшкине.

– Туянтăм. 

– Мӗн-ши? Тавçăрам-и мӗн иккенне?

– Тавçăрса пăх-ха... Вăл питӗ усăллă япала... Йӳнӗ мар... Питӗ-питӗ кирлӗскер... Çемçе... Кашни хӗрарăма кирлӗ...

– Кӗрӗк-и?!

– Минтер…

Ю.Капитонов ӳкерчӗкӗ.