Кам мӗнле пултарать – çапла пулăшать

Севастопольти чăвашсен «Туслăх» ансамблӗ Симферопольти Февзи Якубов ячӗллӗ Крымри инженерипе педагогика университетӗнче ДНР тата ЛНР ачисем валли лартнă концертра хутшăннă. Вăрçăран таракан ачасене пирӗн халăхпа юрă-ташă урлă паллаштарнă.

Çӗнӗ çул çывхарнă май çак вузăн студсовечӗ ятарлă çар операцине хутшăнакан çыран хуралӗн 126-мӗш уйрăм гварди бригадинчи салтаксене валли парнесем пуçтарас пуçарупа тухнă. Акцие хутшăнас текенсем çакна профсоюз организацийӗ урлă тăваяççӗ.