Ку коронавирус вӑхӑтӗнче Тутарстанра иртекен Халӑхсем хушшинчи пӗрремӗш ӑмӑрту. Хусанта 50 ытла ҫӗршывран 445 спортсмен килнӗ
"Xусан шпаги" турнир "Казань-экспо" халӑхсем хушшинчи курав центрӗнче иртет. Унта ӑмӑрту тата хатӗрленӳ залӗсене кирлӗ оборудованипе тивӗҫтернӗ.
Тутарстанӑн шӗкӗр хулинче шпажистсем ӑмӑртаҫҫӗ. Ку турнир – кӑҫал август уйӑхӗнче Токиора иртекен Олимп вӑййисене хутшӑнмалли юлашки суйлав турнирӗ пулать.
Паян тӗнче кубокӗ арҫынсем хушшинчи тытӑҫусемпе пуҫланнӑ. Ыран, мартӑн 20-мӗшӗнче турнира хӗрарӑмсем хутшӑнаҫҫӗ. Ӑмӑртусем мартӑн 23-мӗшӗнче вӗҫленеҫҫӗ. Пурӗ медальсен 32 комплектне вылянтараҫҫӗ: 24-шӗ командӑсем хушшинче, 8-шӗ уйрӑм спортсменсем хушшинче.
Хусанти фехтовани кубокӗ куракансемсӗр иртет.
Нет комментариев