Коронавирусран вилнисен шучӗ Раҫҫейре 10 пин ҫынран иртнӗ

Тутарстанра паян 38 ҫынра COVID-19 тупса палӑртнӑ тухтӑрсем. Пурте контактлисем. 13 ҫынна пульницана вырттарнӑ, 25-шӗ килӗсенче сипленеҫҫӗ. 

Чирлисенчен 21-шӗ Хусантан, 4-шӗ Ҫырчаллинчен, 4-шӗ Нурлатран. Ҫӳльту, Ешӗлвар, Лайӑш районӗсенчен икшер ҫынна Хусана илсе килнӗ, Арск, Камско-Устинский, Чистай районӗсенчен – пӗрер.

Пурӗ июлӗн 4-мӗшӗ тӗлне Тутарстанра 4714 ҫынра COVID-19 тупнӑ. 3547 ҫынна тухтӑрсем сыватнӑ, ҫав шутра иртнӗ талӑкра 37 ҫынна пульницаран кӑларнӑ. 1147 ҫын ҫаплипех сипленет-ха.