Кӗтмен çӗртен пысăк çухату

Мартăн 20-мӗшӗнче Пăва районӗнчи Кипеккасси ялӗнчи паллă çыннăмăр, Пăва районӗнчи Чăваш наципе культура центрӗн пайташӗ, нумай çул Рункă ял хутлăхӗн, вырăнти ял хуçалăх пӗрлешӗвӗн ертӳçи пулса ӗçленӗ Валерий Владимирович Ярхунов пиртен ӗмӗрлӗхе уйрăлса кайрӗ.

В.В.Ярхунов чăваш халăхӗ хушшинче ырă ӗçӗсемпе палăрса тăчӗ, яланах тăван халăхпа пӗрлеччӗ. Унăн тӗрӗс сăмахӗ, кирлӗ канашӗ обществăлла ӗçре ялан вырăнлăччӗ. Пысăк çухату.

Ырă кăмăллă, сăпайлă чăваш нумайăшӗшӗн чӗрӗ тӗслӗхчӗ, ăна пур çӗрте те хисеплесе сума сăватчӗç. Валерий Владимирович 68 çултаччӗ. Унăн çутă сăнарӗ яланах пирӗн чӗресенче упранӗ. Тăванӗсемпе, юлташӗсемпе пӗрле хурланни çинчен пӗлтеретпӗр.

ТР ЧНКА Канашӗ, Пăва районӗнчи ЧНКЦ пайташӗсем.