Тутарстан Республикин Патшалӑх Канашӗн председателӗн тивӗçӗсене пурнӑçлакан Марат Ахметов Хусанти Туполев ячӗллӗ наци тӗпчевпе техника университетӗнче (КНИТУ – КХТИ) вырнаçнӑ 55-мӗш суйлав участокне çитсе РФ Патшалăх Думин суйлавӗнче чи малтан сасӑланӑ депутатсенчен пӗри пулнӑ. Кун пирки ТР Патшалӑх Канашӗн пресс-служби пӗлтерет.
Марат Ахметов ятарлӑ çар операцийӗ вăхăтӗнче иртнине шута илсе хальхи суйлав кампанийӗ хăйне евӗр лару-тăрура иртнине палӑртнă. Вӑл каланă тӑрӑх, кашни çын суйлава хутшăнни унăн яваплӑхне çав вӑхӑтрах халăх пӗрлӗхпе тата наци ертӳçине Владимир Путина мӗнле тӗрев панине кăтартать.
Ун сăмахӗсем тăрăх, Тутарстан яланах обществӑпа политика пурнăçне хастар хутшăнать, республика çапӑçу хирӗнче те паттӑрлӑх кăтартать, мирлӗ ӗçре çитӗнӳсем туса пӗтӗмӗшле çӗнтерӗве пысӑк тӳпе хывать.
Вӑл Тутарстан çыннисене суйлавра яваплӑхпа хастарлӑх кӑтартма чӗнсе каланӑ, вӗсем çӗршыв кун-çулне хутшӑнни пӗлтерӗшлӗ пулнине палӑртнӑ.
Нет комментариев