Марат Садыков вырăнне Марсель Миннуллин ӗçлӗ
Паян Тутарстанăн Сывлăх сыхлав министерствинче ТР Премьер-министрӗ Алексей Песошин министрăн тивӗçӗсене вăхăтлăх пурнăçлаканпа паллаштарнă
Тутарстан Республикин Раисӗн Рустам Миннихановăн Указӗпе килӗшӳллӗн, çак вырăна Марсель Миннулина лартнă.
Марсель Мансурович Миннуллин – Тутарстан Республикин тава тивӗçлӗ врачӗ, медицина наукисен кандидачӗ, хирурги енӗпе аслă квалификаци категорийӗллӗ врач. Паянхи кунччен вăл Республикăри клиника больницин тӗп врачӗн çумӗ пулса ӗçленӗ.
Марсель Миннуллин Хусан патшалăх медицина университечӗн лечебнăй факультетне 1997 çулта пӗтернӗ, унтан Хирурги чирӗсен кафедринче клиника ординатурине иртнӗ. 2004 çулта çак университетрах кандидат диссертацине хӳтӗлет. 2010 çултанпа РКБ тӗп врачӗн медицина пайӗпе çумӗ пулса ӗçленӗ.
Следите за самым важным и интересным в Telegram-каналеТатмедиа
Нет комментариев