Минтимер Шаймиев 89 çул тултарчӗ
Паян хӑйӗн çуралнӑ кунне Тутарстан Республикин пӗрремӗш Президенчӗ Минтимер Шаймиев паллӑ тӑвать. Ӑна саламласа ТР Раисӗ Рустам Минниханов хăйӗн телеграмм-каналӗнче кӗске видео кăларнă.
ТР Патшалӑх канашçи 89 çул тултарчӗ. Минтимер Шарипович январӗн 20-мӗшӗнче хальхи Актаныш районне кӗрекен Аняково ялӗнче çуралнӑ.
Минтимер Шаймиев Раççей историйӗнче пӗлтерӗшлӗ те паллă вырăн йышăнать. Тутарстан Республикин çӗнӗ тапхăрти историйӗ те ун ячӗпе тачă çыхăннă. Ун команди тăрăшнипех Тутарстан суверенлă республика пулса тăрасси мирлӗ иртрӗ. Тӗрӗссипе республикăпа пӗрремӗш Президента пӗр-пӗринчен уйрăммăн хак пама та çук. Минтимер Шариповичăн кун-çулӗ республикăн шăпипе пӗр çыхăмра. 1991 çулхи июнӗн 12-мӗшӗнчен пуçласа 2010 çулхи январӗн 22-мӗшӗччен Президент должноçӗнче вăл Тутарстанăн пур енлӗ аталанăвӗшӗн ырми-канми ӗçлерӗ.
Патшалӑх канашҫи паян та общество пурнӑçне активлӑ хутшӑнать. Темиçе çул хушши вӑл Тутарстанӑн истории палӑкӗсене – Аслӑ Пӑлхарпа Свияжска – чӗртессипе аппаланать.
Хаклӑ вулакансем «Минтимер Шаймиевпа тӗл пулнă интереслӗ самантсем» статьяпа паллашма сӗнетпӗр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев