Мобилизациленнисем декабрьти укҫа тӳлевне Ҫӗнӗ Ҫул ҫитиччен илеҫҫӗ

Мобилизациленнисем декабрьти укҫа тӳлевне маларах, декабрӗн 25-мӗшӗччен илеҫҫӗ. Ҫакӑн пирки РФ Госдума депутачӗ Максим Иванов хӑйӗн телеграм-каналӗнче пӗлтернӗ.

Депутат мобилизациленнисене иртнӗ уйӑхшӑн укҫа тепӗр уйӑхӑн 10-20-мӗш числосенче куҫни пирки пӗлтернӗ. Апла пулсан мобилизациленнисемпе вӗсен ҫемйисем Ҫӗнӗ Ҫул умӗн декабрьти тӳлевсӗр юлаҫҫӗ.

Ҫак ыйтӑва вӑл РФ оборона министерствине панӑ. РФ оборона министрӗн ҫумӗ Татьяна Шевцова ҫак ыйту ҫине хуравласа мобилизациленнисене декабрьти укҫа тӳлевӗ ҫав уйӑхрах килни пирки пӗлтернӗ.

Аса илтеретпӗр, мобилизациленнисене уйӑхшӑн 195 пинрен кая мар укҫа куҫараҫҫӗ, тӳлевне ҫар чаҫӗнчи ҫынсен списокне илнӗ кунран пуҫласа, хатӗрленӳ тата вӗренӳ тапхӑрне шута илсе параҫҫӗ.

Сăнӳкерчӗксем татар-информ сайтӗнчен