Общество организацийӗсен те сасси илтӗнмелле

Раҫҫей Конституцине граждан обществин институчӗсем политикӑна никӗсленӗ ҫӗре хутшӑнмаллине кӗртни –обществопа патшалӑх хутшӑнӑвӗнчи ҫӗнӗ пӗлтерӗшлӗ утӑм.
Кун пирки "Раҫҫейри юристсен ассоциацийӗ" общество организацийӗн Тутарстанри регион уйрӑмӗн исполкомӗн председателӗ Тимур Какохо пӗлтернӗ.
"Ман шутпа коммерциллӗ мар организацисемпе хутшӑнса ҫӗнӗ шая тухмалла. Вӗсем тӗрлӗ интереслӑ, социаллӑ йывӑрлӑхлӑ ҫынсене пӗрлештереҫҫӗ, ҫавӑнпа та законодательствона улӑштарма та кирлӗ сӗнӳсем пама пултараҫҫӗ",–тенӗ общественник.
Чылай демократиллӗ ҫӗршывра хӑйсен идеисене сӗнме, улшӑнусем кӗрттерме ҫине тӑма пултаракан вӑйлӑ профсоюзсем тата коммерцилле мар организацисем пур. Халӗ Раҫҫейре те закон шайӗнче ҫакӑн пек май пулать.