Октябрӗн 1-мӗшӗнче кӗрхи призыв пуçланать

Инçетри Çурçӗрте çеç, климат условийӗсене пула, кӗрхи призыв каярах пуçланӗ – ноябрӗн 1-мӗшӗнчен. Çакăн пирки паян РФ Генштабӗн Организаципе мобилизацин тӗп управленийӗн пуçлăхӗн çумӗ Владимир Цимлянский пӗлтернӗ. Салтака каякансене октябрӗн 16-мӗшӗнчен пухăну пункчӗсенчен ăсатма пуçлаççӗ.

Ведомствăран пӗлтернӗ тăрăх, призывниксене пурне те хӗсмет иртме Хӗç-пăшаллă Çарсен чаçӗсен Раççей территорийӗнчи подразделенийӗсене яраççӗ.

Раççейӗн çӗнӗ регионӗсенче – Донецкпа Луганск Халăх республикисенче, Херсон тата Запорожье облаçӗсенче вырнаçнă çар чаçӗсене хӗсмет иртме, ятарлă çар операцийӗн задачисене пурнăçлама призывниксене ямаççӗ.

Призывниксенчен виççӗмӗш пайӗ çар чаçӗсенче пилӗк уйăхра çӗнӗ йышши çар техникипе усă курма вӗренӗç, çарпа учет специальноçне алла илӗç.

Сăнӳкерчӗк «Татар-информ» ИА.