Патшалӑх Думи никрутсен пӗр пайне медосмотрсӑр отсрочка илме май парать

Енчен те никрута отсрочка сывлӑхне пула мар, урӑх сӑлтавпа кирлӗ пулсан, призывник медицина тӗрӗслевне хӑй кӑмӑлӗпе тухма пултарать.

"Практика кӑтартнӑ тӑрӑх, ҫар службине иртме юрӑхлӑ тесе йышӑннӑ ҫамрӑксенчен пӗр пайӗ кӑна салтак ретне тӑрать. Ыттисен отсрочка валли ҫемьери сӑлтав пур е вӗренни. Граждансен ҫакнашкал категорийӗ валли медицина освидетельствованине тухассине ирӗклӗ тусан тӗрӗсрех пулать.Ҫак мерӑсем медосмотрсен шутне самай чакараҫҫӗ тата никрутсен тӗрӗслевне лайӑхлатма пулӑшаҫҫӗ",– тесе пӗлтернӗ депутат.