Пирус тӗпӗ икӗ çынна вӗлернӗ

Панулми сăпасӗ Аксу районӗнчи Çӗнӗ Ипрел ялӗнче трагедипе вӗçленнине хыпарлать ТР МЧС пресс-служби.  Ӗнер каçхине 22 сехет те 57 минутра кунта пӗр çуртра пушар тухнă. Хальлӗхе паллă пулнă тăрăх, сăлтавӗ – сӳнтермен пирус тӗпӗ. Шел те, пушар хуралӗн ӗçченӗсем çитнӗ çӗре пысăках мар йывăç çурта йăлтах вут ярса илнӗ пулнă ӗнтӗ. Телее, кӳршисем çине сиксе ӳкмен. Пушара сӳнтернӗ хыççăн çурта сӳтнӗ май пӳлӗмсенчен пӗринче çуннă икӗ çын виллине тупнă. Вӗсем камсем пулни хальлӗхе паллă мар-ха.