Пӗлтӗрхипе танлаштарсан, веç аван...

Тутарстан Республикинчи федераллă тата регионри трассăсем çинче пӗлтӗр аварисен шучӗ самай чакнă. Çакна çулсем туса пăхса тăракансем хăйсен тивӗçӗ пек хаклаççӗ.
ТР транспорт тата çул-йӗр хуçалăхӗн министрӗ Фарид Ханифов пӗлтернӗ тăрăх, пӗлтӗр регионри çулсем çинче 533 çул-йӗр пăтăрмахӗ пулса иртнӗ, вӗсенче 133 çын вилнӗ, 718-шӗ суранланнă. 2021 çулпа танлаштарсан, аварисен шучӗ 169 чакнă, вилнисем – 21 çынна сахалрах, суранланнисем – 271 çынна.
Пулса иртнӗ çул-йӗр пăтăрмахӗсенчен ытларахăшӗ машинăсем пӗр-пӗринпе çапăннине пула, водительсем кат аяккине анса кайнине пула тата çуран çӳрекене таптанипе пулса иртнӗ.