Пӗтӗм Раççейри «Моя страна – моя Россия» конкурса Тутарстанран тăваттăн хутшăнаççӗ

Конкурсантсен ӗçӗсене çӗршывăн кашни регионӗнче виçӗ пине яхăн эксперт пăхса тухнă. Пӗр проекта виçӗ çын тӗрӗсленӗ, вӗсен хушшинче тавлашу сиксе тухсан, хушма тӗрӗслев ирттернӗ. Экспертсене хăйсен регионӗсенчен килнӗ проектсене тӗрӗслеттермен.

Тутарстанран финала 4 çын тухнă:

• Хусанти 35№ лицейра  вӗренекен Марьям Галявеева «Прорыв Art» проекчӗпе;
• Хусанти 180№ гимназире  вӗренекен Аурина Хасанова начар илтекен тата пач илтменнисем валли тунă «MINI STUDIO MANICURE АУРИНЫ ХАСАНОВОЙ» проекчӗпе; 
• Хушма пӗлӳ паракан педагог Елена Гудалина «Хăрушлăхсăр чукун çул» проекчӗпе;
• Çамрăк куракансен валли исполнительсен искусствисен  «Калабала» ассоциацийӗн ертӳçи Алмаз Садриев «Цирк çинчен каласа пар. Менталлă чирпе аптракан ачасемпе вӗсен ашшӗ-амăшӗсен валли Раççейӗн çӗнӗ социаллă практики» проекчӗпе.

Авторсен хăйсен проекчӗсене ноябрӗн 23–24-мӗшӗсенче тата  ноябрӗн 30-мӗшӗнчен тытăнса декабрӗн 1-мӗшӗнче дистанци мелӗпе хӳтелеççӗ. Çӗнтерӳçӗсене декабрь уйăхӗнче палăртаççӗ. 

2019 çултан «Моя страна – моя Россия» конкурс «Россия – страна возможностей» Президент платформин проекчӗсен шутне кӗрет.

ТР çамрăксен ӗçӗсен министерствин пресс-службин сăнӳкерчӗкӗ.