Пӗтӗм Раççей Акатуйӗ тепӗр çул Ульяновск облаçӗнче пулать

 Ульяновск облаçӗн правительстви пек чăваш наци юхăмне тӗрев параканни урăх пӗр регионта та çук, Чăваш Ен ертӳлӗхӗ те чăваш наци аталанăвӗ çине ун пекех тимлӗх уйăрмасть. Коронавирус пандемийӗпе çыхăннă йывăрлăхсене пăхмасăр Ульяновск облаçӗ çитес çул Пӗтӗм Раççей Акатуйне хăй патӗнче ирттерме палăртать. Область кӗпӗрнаттăрӗн Олег Морозовăн йышăнăвне ӗнер, октябрӗн 30-мӗшӗнче иртнӗ «Чӗмпӗр – чăваш литературин сăпки» Регионсем хушшинчи чăваш литературин форумӗнче кӗпӗрнаттăрăн наци ыйтăвӗсемпе ӗçлекен çумӗ С.Паховский пӗлтерчӗ. Акатуй ăçта иртесси те паллă, вăл – Чăнлă районӗнчи Аслă Нагаткин ялӗ. (К.Малышев сăнӳкерчӗкӗ).