Пушар хыпарлавҫисем пулӑшаҫҫӗ

Пушар извещателӗсем пулӑшнипе юлашки 5 ҫул хушшинче Тутарстанри 103 ҫын вутран хӑтӑлнӑ. Ҫакӑн ҫинчен "Татар-информ" Информаци агентствинче иртнӗ пресс-конференцире Тутарстан Республикинчи пушар надзорӗпе тӗп пушар инспекторӗн ҫумӗ Максим Трущин каласа панӑ.
"Пӗтӗмӗшле 2016 ҫултанпа республикӑра пушар извещателӗсем пулӑшнӑ 49 тӗслӗхе палӑртнӑ, вӗсене пула 103 ҫын вилӗмрен хӑтӑлса юлнӑ. Вӗсен хушшинче 43 ача пулнӑ", – тесе пӗлтернӗ Трущин.  
Спикер аса илтернӗ тӑрӑх, ҫакнашкал пушар хыпарлавҫине пула нумай пулмасть Алексеевски районӗнче трагедирен хӑтӑлма пултарнӑ. Сигнализаци сассине илтсе 14  ҫулхи ача вутран виҫӗ шӑллӗне хӑтарнӑ.