Республикăри шкулсемпе колледжсене тӗпрен юсаççӗ

2024 çулта Тутарстанра 17 шкулпа колледжне тата икӗ ача çуртне тӗпрен юсасшăн. Декабрӗн 1-мӗшӗччен çак шкулсене юсама палăртнă:

Тури Услонра;

Актанышра;

Апас районӗнчи Кивӗ Юмралы, Деушево, Сатламышево, Чура-Барышево ялӗсенчи шкулсене;

Çырчаллинчи Гали Акыш ячӗллӗ 84№ лицей-интерната;

Анат Камăри медколледжа; 

Элметри 19№ шкула;

Мензелинскри 2№ вăтам шкула;

Элметпе Лениногорскри ача çурчӗсене.

Кунсăр пуçне 620 миллион тенкӗ çичӗ техникумпа колледжа çӗнетме ярасшăн:

Çӗпрелӗнчи отрасль технологийӗсен техникумне;

Анат Камăри педагогика колледжне;

Нурлатри аграри техникумне;

Апасри аграри колледжне;

Анат Камăри агропромышленность колледжне;

ХФУн Елабугăри филиалне; 

Хусанти педагогика колледжне.

Юсав ӗçӗсене кăçалхи декабрӗн 1-мӗшӗ тӗлне вӗçлеме тивӗç.

Сăнӳкерчӗк «Татар-информ» ИА.