Рустам Миннихановӑн вӗренекенӗ кӳршӗ республикӑна ертсе пырӗ

Ку эрнере Мордови Республикин Пуҫлӑхӗ Владимир Волков сасартӑк отставкӑна кайма шутланӑ хыҫҫӑн унӑн  тивӗҫӗсене вӑхӑтлӑх пурнӑҫлама Артём Здунова лартнӑ. Хусансем ӑна аван пӗлеҫҫӗ.
Унччен вӑл икӗ ҫул хушши Дагестанӑн Премьер-министрӗнче ӗҫлерӗ. Унччен маларах Тутарстан Республикин экономика министрӗнче тӑрӑшрӗ.
Вӑл мӗн пур должноҫра ӑнӑҫлӑ ӗҫленӗрен-и, Владимир Путин пысӑк парӑмсемлӗ региона ертсе пыма шӑпах экономиста лартнӑ.
Артём Здуновӑн мордва тымарӗсем пулнине те шута илнӗ пулмалла Кремльте.