Шкула каяс вӑхӑт ҫитет вӗт, пурпӗр

 СЕНТЯБРӖН 1-мӗшӗнче палăртакан Пӗлӳ кунӗн формачӗ кăçал улшăнать. Кун пирки РФ çутӗç министрӗ Сергей Кравцов «Пандемин пӗрремӗш пӗтӗмлетӗвӗсем: тӗнчери вӗрентӳ системин çӗнӗ майӗсемпе тӗрӗслевӗсем» халăхсен хушшинчи конференцире пӗлтернӗ. Министр палăртнă тăрăх, шкулсенче массăлла мероприятисем 2021 çулхи январь уйăхӗчченех ирттерме юрамасть. Сентябрӗн 1-мӗшӗнче линейка пулать, анчах кăшт урăхларах. «Шкул ачисемпе вӗрентекенсем шкула килессе шанса тăратпăр. Паллах, санитари нормисемпе ятарлă требованисене пăхăнма тивӗ. Пирӗншӗн чи кирли – ачасемпе педагогсен сывлăхне упраса хăварасси», – тенӗ Сергей Кравцов.