Ссылкăпа видео пăхма кӗрсе укçасăр юлнă
Пӗлӗшӗн ятӗнчен видео пăхма янă ссылка урлă Тутарстанра икӗ çыннăн укçине вăрланă.
Чăн малтан полици уйрăмне 48-ти арçын пулăшу ыйтса килнӗ. Ăна мессенджерсенчен пӗринче пӗлӗшӗнчен «Салам! Видео çинче эсӗ мар-и?» текен СМС-çыру килнӗ. Ссылкăпа кӗрсенех смартфонӗ çине онлайн-банка аякран кӗмелли программа лартăннă иккен. Унăн 170 пин тенкине вăрлама хăтланнă. Телее, 13 пин тенкине кăна илейнӗ. Пӗлӗшӗн аккаунтне çӗмӗрнине каярах пӗлнине пӗлтерет ТР ШӖМӗн пресс-служби.
Çакăн пекех схемăпа 58-ти хӗрарăма та улталанă,15 пин тенкисӗр юлнă вăл. Ăна пӗлӗш-хӗрарăмран çакнашкал СМС-çыру килнӗ пулнă...
ТР ШӖМӗ граждансене тимлӗрех пулма, телефон çине хуть мӗнле ссылка килсен те çыннине хăйне шăнкăравласа е тӗл пулса информацие тӗрӗслемесӗр уçма юраманнине аса илтерет.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев