Çырчаллинче пурăнакан 51 çулти хӗрарăм ултавçăсен аллине çакланнине пӗлтерет ШӖМ Тутарстанри управленийӗн пресс-служби.
Хӗрарăмран юлташӗ мессенджер урлă кивçен укçа ыйтнă. Вăл шутласа тăмасăрах 20 пин тенкӗ куçарса панă, хăйне улталанине сиссе те юлайман. Тантăшӗн аккаунчӗ ултавçӗсен аллинче пулнă иккен.
Раççей Уголовнăй Кодексăн 159-мӗш статйин 2-мӗш пайӗпе килӗшӳллӗн уголовнăй ӗç пуçарнă. Хальхи вăхăтра полици шулӗксене тупса палăртас тӗллевпе оперативлă-шырав мероприятийӗсем ирттерет.
Нет комментариев