Тутарстан Раисне Рустам Минниханова Молдовăна кӗртмен
Кишиневри погранполицире Минниханов Гагаузире агитаци тума килет тесе пӗлтернӗ те, пирӗн самолета каялла çавăрнă
«Ку вăл Тутарстанпа Гагаузие хирӗç кăна мар, пӗтӗм Раççее хирӗç тунă туслă мар утăм», – тесе пӗлтернӗ Раççей Ют çӗршыв ӗçӗсен министерствин официаллă представителӗ Мария Захарова. Вăл аса пӗлтернӗ тăрăх, Минниханов Халăх дипломатийӗн «Халăхсен туслăхӗ – 2023» халăхсем хушшинчи конгрессра хутшăнмалла пулнă.
«Молдави влаçӗсен йышăнăвӗ пирӗн çӗршывсен регионӗсем хушшинчи йăлана кӗнӗ тачă çыхăнусене татасшăн. Çакнашкал антираççей курсне Молдавин анлă общественноçӗ ырламасса шанатпăр», – тенӗ Мария Захарова.
Майя Санду Президента хирӗç хирӗçлев акцийӗсене тухнăран Гагаузи халăхне Раççей майлă тесе шутлаççӗ. Унти автономи пуçлăхне (башканне) апрелӗн 30-мӗшӗнче суйламалла.
Следите за самым важным и интересным в Telegram-каналеТатмедиа
Нет комментариев