Тутарстан Республикинчи финпа угор халӑхӗсен фестивалӗ Ҫырчаллинчи «Энергетик» Культура керменӗнче иртнӗ

Чи пултаруллисен шутӗнче Фольклор юррипе ташшин "Айкай" удмурт патшалӑх ансамблӗ, "Марий Эл" патшалӑх ташӑ ансамблӗ, Халӑх инструменчӗсен «Марий кундем» ансамблӗ (Марий Эл Республики), «Агидель патшалăх юрăпа ташӑ ансамблӗ, «ZAKARIA» фолк-ушкӑн.
Концерт программи пуҫланиччен "Энергетикра" "Тутарстанри финпа угор халӑхӗсен культура еткерлӗхӗ: упраса хӑварассипе аталантарасси" ҫавра сӗтел иртнӗ. Унта ТР Патшалӑх Канашӗн Вӗрентӳпе культура, наука тата наци ыйтӑвӗсен комитечӗн председателӗн ҫумӗ Людмила Рыбакова, ТР Президенчӗн департаментӗнчи наци политикине ӗҫе кӗртекен управленин тӗп советникӗ Марина Иванова, ТР Халӑхсен Ассамблеин Ӗҫтӑвкомӗн ертӳҫи Константин Яковлев, ТР Халӑхсен Туслӑхӗн Ҫурчӗн директорӗ Ирек Шарипов, Ҫырчалли хули муниципаллӑ йӗркеленӗвӗн Ӗҫтӑвком ертӳҫин ҫумӗ Рамиль Халимов тата ТР финпа угор наци йӗркеленӗвӗсен ертӳҫисем хутшӑннӑ.

ТР Халӑхсен Ассамблеин информаци центрӗн сӑнӳкерчӗкӗсем