Тутарстанӑн ҫамрӑк предпринимателӗсем 47 млн. тенкӗ грант пулӑшӑвне илӗҫ

25 ҫула ҫитмен Тутарстанӑн ҫамрӑк предпринимателӗсем «Малое и среднее предпринимательство» проектпа 47 млн. тенкӗ грант пулӑшӑвне илӗҫ. Ҫакӑн пирки ТР экономика Министерствин пресс-службинче каланӑ.

Ҫамрӑк бизнесменсене хӑйсен проектне аталантарма пулӑшу субсиди майӗпе парӗҫ, ҫав хушӑрах ӑна илме предпринимателӗн проекта 25% кая мар хӑйӗн укҫине хумалла.

Программа условийӗсем тӑрӑх, проекта софинансламалли виҫе 100 пинрен пуҫласа 500 пин тенкӗ таран пулать. Илнӗ укҫана бизнес-проектпа ҫыхӑннӑ пӳлӗм аренди е юсавӗ ҫине, оборудовани туянма, комуналлӑ тӳлевсем ҫине яма май пур.

Субсиди илме панӑ заявкӑсене октябрӗн 13-мӗшӗччен пуҫтарнӑ. Конкурс комиссийӗ валли пурӗ 129 бизнес-проект ярса панӑ.

Палӑртса хӑваратпӑр: мобилизациленнисем валли проекта пурнӑҫламалли сроксене тӑснӑ, унсӑр пуҫне грант пурнӑҫламалли условисене е сроксене улӑштарнӑшӑн вӗсене штраф пама юрамасть.

Сӑнӳкерчӗк татар-информ сайтӗнчен