Çакăн çинчен ТР Тӗп суйлав комиссийӗн председателӗ Андрей Кондратьев Пӗрлехи информаци центрӗнче иртнӗ пресс-конференцире пӗлтернӗ.
«Сăнавçăсенчен 3 пине яхăн çын Тутарстанри общество палатинчен, пурӗ 14 пине яхăн сăнавçă регистрациленнӗ», – тенӗ спикер. Кондратьев хушса каланă тăрăх, паян ирхине Обществолла сăнав центрӗ уçăлнă.
«Пурте ăнланаççӗ, кашнин ӗçӗнчен суйлав кампанийӗн результачӗ килет. Суйлав кунӗсем уçă та паха иртмелле», – тесе палăртнă ТСК пуçлăхӗ.
РФ Патшалăх Думин VIII пухăвне депутатсем суйламалли тапхăр виçӗ кун иртет – сентябрӗн 17,18,19-мӗшӗсенче. Çав вăхăтрах Тутарстанри Патшалăх Канашне икӗ округпа хушма суйлав иртет – Азино тата Суденчески округӗсенче. Çавăнпа пӗрлех республикăри вырăнти хăйтытăмлăх округӗсен депутачӗсене суйлӗç.
Нет комментариев