Вакцинаци тӑвакансен шучӗ те ӳссе пырать, чире ертекенсен те

Ӗнер Тутарстанра Covid-19-па чирленӗ 48 ҫӗнӗ ҫынна регистрациленӗ, вӗсенчен 4 ҫын урӑх регионра килнисем, ыттисем Тутарстанран.
15 ҫынна больницасене вырттарнӑ, 33 ҫын килте сипленет.
Ӗнер шута илнисенчен 30-шӗ Хусанта пурӑнать, 3-шӗ Ҫырчаллинчен, 4-ӑн Тукай районӗнчен, Тури Услон, Ҫӳльту, Лайӑш районӗсенчен икшер ҫын, Актаныш, Элмет, Ешӗлвар, Менделеевск, Мензелинск районӗсенчен пӗрер ҫын.
Пурӗ ҫак куна Тутарстанри больницасем Covid-19 чире ертнӗ 23 413 ҫынна регистрациленӗ. 20 859 ҫын сывалнӑ, ҫав шутра 6 ҫыннӑн больничнӑйне иртнӗ талӑкра хупнӑ.
Республикӑри 741 611 ҫын вакцинаци тутарнӑ, вӗсенчен 496 146-шӗ иккӗмӗш прививка илнӗ.