Владимир Вавилов Конституцишӗн сасӑлама чӗнет

РФ Конституцине тӳрлетӳсем кӗртни Раҫҫей тата унӑн гражданӗсен аталанӑвӗ ҫине лайӑх витӗм кӳрӗ тесе шутлать ТР Патшалӑх Канашӗн 6-мӗш пухӑвӗн депутачӗ, Лейкимияпа чирлӗ ачасене пулӑшакан Анжела Вавилова ячӗллӗ ыркӑмӑллӑх фончӗн правленийӗн председателӗ Владимир Вавилов.
"Ҫӗршыв тата халӑх чечекленӗвӗ пирки шутлакансен каймалла та сасӑламалла. Мӗншӗн тесен Конституци тӳрлетӗвӗсене компетентлӑ ҫынсен ушкӑнӗ кӗртнӗ, вӗсем ҫынсен пурнӑҫне самай лайӑхрах тӑвӗҫ, социаллӑ сферӑра та, медицинӑра та, ытти направленисенче те", – палӑртнӑ Владимир Вавилов.
Вӑл хушса каланӑ тӑрӑх, сӑмаха шантарнишӗн мар, чӑн ҫутӑ малашлӑхшӑн сасӑламалла.