Хӗл Мучи, чесбол, упа, пукане театрӗ
Кăçалхи Уява иртнӗ çулхипе танлаштарма çук, уйрăмлăхӗ пысăк
Тем тесен те тӗрлӗ мероприятисем пайтахчӗ кăçалхинче. Хăшӗ-пӗри иртнине килнӗ хăнасем шăрăха пула сисмесӗр те юлчӗç пуллӗ, çапах та вӗсем çинчен каласа хăвармаллах. Тӗслӗхрен хулашăн леш енчи зоопарк. Кунта ту качаки, пăлансем, тӗвесем, упа пур. Ача-пăча пахчинче йывăçран касса тунă тӗрлӗрен юмахри чӗрчунсен кӗлеткисем илӗртсе тăраççӗ. Халлап çуртӗнче Чăваш пукане театрӗ Сиктӗрме ялӗн ачисене Петӗр Хусанкай произведенийӗ тăрăх хатӗрленӗ «Тӗнчере мӗн вăйлăрах?» спектакль кăтартнă. Уяв лапамӗнчи хăна çурчӗ умӗнче Чесбол вăййисем иртнӗ. Шахматăн çак тӗсне Хусанта пурăнакан чăваш инженерӗ Степан Сильвестров шутласа кăларнă. Шăрăха пăхмасăрах, тӗрлӗ районсенчен пухăннă командăсем пӗр-пӗрне хирӗç уйăрнă вăхăтпа вылянă.
Чăваш Хӗл Мучийӗн çуллахи Резиденцийӗ те часах ӗçлеме пуçлать. Хатӗрленӳ ӗçӗсем кал-кал пыраççӗ. Кăçалхи Уявра çыравçăсем çумне кăçал художниксемпе скульпторсем те хутшăнчӗç.
Степан Сильвестров сăнӳкерчӗкӗсем.
Следите за самым важным и интересным в Telegram-каналеТатмедиа
Нет комментариев