Хусанта январӗн 15-20-мӗшӗсенче Раççей кубокӗн пиллӗкмӗш тапхӑрӗ иртет
Хусанти Мирный поселокӗнчи йӗлтӗрпе биатлон комплексӗ Раççей кубокӗн тапхăрне ирттерме хатӗррине «Татар-информ» ИА иртнӗ пресс-конференцире ТР Спорт министерствин спортри пысăк çитӗнӳсен уйрăмӗн пуçлăхӗ Раиф Вафин пӗлтерчӗ. Унсăр пуçне журналистсемпе Тутарстанри Йӗлтӗрçӗсен федерацийӗн ӗçӗсен йӗртӳçи Денис Блохин тата республикӑри хӗрарӑмсен командин капитанӗ Лидия Горбунова тӗл пулчӗç.
Раиф Вафин Раççейӗн 29 регионӗнчен мероприятие 200 яхăн спортсмен хутшăнаса, вӗсем хушшинче паллă йӗлтӗрçӗсем – Александр Большунов, Наталья Терентьева, Савелий Корыстылев, Сергей Ардашев, Лидийăпа Иван Горбуновсем пулнине каларӗ.
«Хусан иккӗмӗш хут çак старта, Раççей кубокӗн пиллӗкмӗш тапхӑрне йышӑнать. Кӑçал пиллӗкмӗш тапхӑрсӑр пуçне, стартсен виçӗ ушкӑнӗ пулать, пӗрремӗш хут Хусанта çӗршыв чемпионачӗ те иртет», – пӗлтерчӗ Денис Блохин.
Лидия Горбунова турнира йӗркелекенсене тав турӗ. Вырӑнти тренировка трассисене те тӗрӗсленӗ вăл, вырăнӗпе йывӑр пулнине палăртса хăварчӗ.
Раççей кубокӗн пиллӗкмӗш тапхӑрӗ январӗн 15-мӗшӗнче пуçласа 20-мӗшӗччен иртет. Ӑмӑртусен шайӗнче ултӑ старт пулать. Спортсменсем январӗн 16-мӗшӗнче 10 тата 15 çухрӑм ирӗклӗ стильпе чупса, 18-мӗшӗнче спринтра, 19-мӗшӗнче – 20 çухрӑма тăсăлакан скиатлонра ăмăртӗç.
Хула çыннисемпе хăнисене те кӗтеççӗ ку эрнере Хусанти Мирный поселокӗнче, унта тӳлевсӗрех кӗртеççӗ. Куракансем валли ятарлă программа хатӗрленӗ.
Сăнӳкерчӗксем «Татар-информ» ИА.
Следите за самым важным и интересным в Telegram-каналеТатмедиа
Нет комментариев