News by tag - Спорт

Хусанти ветеринари академийӗн доценчӗ Геннадий Пахомов Раççей чемпионатӗнче çӗнтернӗ

Çăмăл атлетика ветеранӗсен юхăмне 30 çул çитнине халалласа сентябрӗн 23 – 25-мӗшӗсенче Анапăра иртнӗ Раççей чемпионатӗнче пъедесталăн чи çӳллӗ картлашкисене чăвашсем йышăнчӗç. Хусанти ветеринари академийӗн доценчӗ, студентсене нумай çул терапи курсне вӗрентнӗ ентешӗмӗр, Пăва районӗнчи Пӳркел ялӗнче çуралса ӳснӗ Геннадий Авксентьевич Пахомов 10 километра хăвăрт утса – I, 5 километр дистанцире II вырăнсене йышăннă. Çăмăл атлетика ветеранӗ пӗрремӗш дистанцие 1 сехет те 06 минутра, иккӗмӗшне 31 минут та 40 çеккунтра утса тухнă. 74-ри спортсменшăн япăх кăтарту мар ку, уйрăмах чемпионата 76 регион хутшăннине шута илсен. Çăмăл атлетикăн хăвăрт утас тӗсӗпе ентешӗмӗр 1968 çултанпах туслă. Куншăн пӗрремӗш тренерӗ Хашим Шагинурович Ахметшин «айăплă» иккен. Хăвăрт утассин кăткăс техникине шăпах вăл вӗрентнӗ. Ентешӗмӗр темиçе çул ӗнтӗ Тутарстан сборнăйӗн йышӗнче. Асăннă чемпионат та пирвайхи мар, пӗтӗмпе 23–25 спорт мероприятине хутшăнса пъедестал çине миçе хут хăпарман-ши? Тульккăш медальсен шутне хисеплес йăла çук унăн: «Мухтанма юратмастăп», – терӗ хальхинче те кӗскен кун пирки.

12 ноября 2022, 09:06

0

КУБОК ХАЛЬХИНЧЕ ТЕ ПĂВАРА ЮЛЧӖ

Вӗсен йышӗнче кăçал пӗрремӗш хут чăваш каччи, Пăвари Никита Ильин («Сувар» кубокне пӗрре мар хутшăннă çамрăк футболист) та пурччӗ. Тӗп судьян сăмахӗпе, унăн ку енӗпе пултарулăхӗ пур, тен, вăхăт çитсен вăл та арбитрсен шкулне иртӗ.

15 июня 2022, 09:32

0

Саплăксем ентешне Валерий Юдина хисеплесе йӗркелекен турнира 17-мӗш хут ирттерчӗç

Апрель пуçламăшӗнче Çӗпрел районӗнчи Алешкин Саплăк шкулӗнче вырăнти предпринимателе Валерий Юдина халалланă сӗтел çи теннис уçă турнирӗ иртрӗ. Район шайӗнчи ăмăрту пирӗн тăрăхра çирӗп йăлана кӗнӗ ӗнтӗ. Ăна çулсерен унăн пӗртăванӗ, шкулта физкультурăпа ОБЖ предмечӗсене вӗрентекен Борис Юдин йӗркелет. Палăртса хăвармалла – турнир кăçал 17-мӗш хут иртрӗ.

16 апреля 2022, 13:45

0

«БЕЛОВКА ЙӖЛТӖР ЙӖРӖ» ПХЕНЧХАНРИ ĂМĂРТУСЕНЧЕН КАЯ МАР ПУЛЧӖ

«Беловка йӗлтӗр йӗрӗ – 2022» Пекинри Олимпиадăри йӗлтӗрпе чупассипе ăмăртусене вӗçлекен 50 километрлă масс-старта аса илтерчӗ – çанталăкпа та, спортсменсен хӗрӳ кӗрешӗвӗпе тата трасса кăткăслăхӗпе. Юрать тăманӗ ăмăртусем вӗçленессе кӗтрӗ, ăшă тумтире те касса кӗрекен сивӗ çилӗ вара пӗрре те чарăнмарӗ. Старта хирӗç вӗрекенскер йӗлтӗрçӗсене сывлама памасăр хыпăнтарчӗ вăл. Çапах ниме пăхмасăр Беловкăри регионсен хушшинчи йӗлтӗр йӗрӗ иртрӗ-иртрех. Ăмăртусем мартăн 5-мӗшӗнче, ирхине 10 сехетре пуçланчӗç.

13 марта 2022, 16:19

0

Хусан каллех тӗнче чемпионачӗсене йышăнӗ, апрельте синхронлă ишессипе унтан шыва сикессипе тӗнче серийӗн тапхăрӗсем иртмелле.

Раççейӗн Олимп комитечӗн спортсменӗсем Пекинри Хӗллехи Олимпиадăра хăйсене питӗ аван кăтартаççӗ. Тем пек Раççей сборнăйӗ тесе калас килет те, анчах шел пулин те, допинг скандалне пула пирӗн çӗршыва тӗнчери ăмăртусене хутшăнассипе Халăхсен хушшинчи Олимп комитечӗ санкцисем йышăннă. Вӗсем 2022 çулхи декабрьччен вăйра. Çавна май пирӗн спортсменсем акă ӗнтӗ миçемӗш Олимпиадăна ялавсăр, гимнсăр хутшăнаççӗ. Паллах, питӗ кӳрентерет ку. Çапах та пирӗн спортсменсен çирӗп кăмăлне, çӗнтерӳ патне ăнтăлăва санкцисем ура хураймарӗç. ТР спорт министрӗ Владимир Леонов та Правительство Çуртӗнче иртнӗ брифинга спортсменсене тав тунинчен пуçларӗ.

09 февраля 2022, 17:19

0

Борис Чернов: «Ачасене кӗрешме вӗрентесси – манăн чи пысăк ӗмӗтчӗ»

Атăлçи регионӗсенчи спорта юратакансем, ирӗклӗ кӗрешӳпе интересленекенсем Борис Чернова лайăх пӗлеççӗ. Вăл Çӗпрел районӗнчи Куршанкă Шăхаль ялӗнче 1956 çулхи июнӗн 7-мӗшӗнче çуралнă. Халӗ Ульяновск облаçӗнчи Чăнлă районӗн ирӗклӗ кӗрешӳçисен командин аслă тренерӗ. Борис ачаллах йăрă ӳснӗ, спорт вăййисене юратнă, тантăшӗсем хушшинче хоккейла выляссипе кӳршӗ ялсемпе вăйăсем йӗркеленӗ. Вӗренме те япăх вӗренмен, шкул çумӗнчи участокра ӗçлесе вăл ВДНХ бронза медальне тивӗçнӗ. 1973 çулта Хурăнвар Шăхалӗнчи вăтам шкула пӗтерсен вăл Ижевскри ял хуçалăх институтне кайса кӗнӗ. Малтан лаша спорчӗпе аппаланнă. Çур çул хыççăн вара пӗр тӗлпулу унăн пурнăçне улăштарса янă.

06 июня 2021, 08:00

0

ПЕТР МУСКАТИНОВĂН ХАЛЬХИНЧЕ КӖМӖЛ МЕДАЛЬ

Февралӗн 17-18-мӗшӗсенче Орел хулинче сывлăх енчен çирӗпех маррисен хушшинче армрестлингпа иртнӗ XVII Раççей чемпионатӗнче Аслă Аксу чăвашӗ кӗмӗл медаль çӗнсе илнӗ.

28 февраля 2021, 10:43

0

«Дакар – 2021» ралли-рейдра штурмансене кăçал Сауд Аравийӗн çутçанталăкӗпе киленме май пулман

Шăп пӗр эрне каялла, январӗн 15-мӗшӗнче, Сауд Аравийӗнче Халăхсен хушшинчи «Дакар – 2021» ралли-рейд вӗçленчӗ. Массăллă хыпар хатӗрӗсенчен пӗлетпӗр ӗнтӗ, кăçал грузовиксен хушшинче малтанхи виçӗ вырăна та Çырчаллинчи «КАМАЗ-мастер» команда йышăнчӗ: пьедестал çинче пирӗннисем тăчӗç, чыслав церемонийӗнче Раççей гимнӗ янрарӗ. «КАМАЗ-мастер» тепӗр хут Раççей автомобилӗсем чи шанчăклине, хăватлине, спортсменӗсем чи чăтăмлă тата опытлине кăтартса пачӗ. «Сувар» вулаканӗсем асăннă командăн йышӗнче хамăрăн ентешӗмӗр, Çырчалли чăвашӗ Дмитрий Никитин пулнине аван пӗлеççӗ. Кăçал вăл тăваттăмӗш хут А.Шибалов экипажӗн йышӗнче штурман пулса «Дакара» хутшăнчӗ, виççӗмӗш хутчен çак ăмăртуран призлă вырăнпа таврăнчӗ. Кăçал экипаж 2-мӗш вырăн йышăнса «Кӗмӗл бедуина» тивӗçрӗ. Сауд Аравийӗнчен таврăнсанах эпир Дмитрий Никитинпа тӗл пултăмăр, вăл хаваспах пирӗн ыйтусем çине хуравларӗ.

23 января 2021, 18:56

0

Хусанта халăхсен хушшинчи теннис ăмăртăвӗ пуçланчӗ

Халăхсен хушшинчи теннис ăмăртăвне республикăран 13 спортсмен хутшăнать. Вӗсем чи лайăх кăтарту тăвасса питӗ шанатпăр.

24 октября 2020, 14:27

0

Любовь Моргунова: «Ман рекордран никам та иртеймен-ха»

Чупма эпӗ кукамай патне Çӗньяла (Аксу районӗ) каникула килсен пуçланă темелле. Кашни çулла пире – аккана, мана тата йăмăка – аттепе анне кукамай патне леçсе яратчӗç. Пӗр çулхине эпир Пӳлер çумӗнчи ача-пăча ӗçпе кану лагерьне лекрӗмӗр. Питӗ интереслӗччӗ унта. Тӗрлӗ спорт ăмăртăвӗсем нумай ирттеретчӗç. Эпӗ яланах чупакансен хушшинче çӗнтереттӗм. Кукамай патне таврăнсан Çӗньял тавра кашни кун чупма пуçларăмăр – 3 километр таран чупаттăмăр. Вăрмана çити е фермăна та чупаттăмăр, унта хӗр-тусăн Света Самсонован амăшне сӗт витрисене йăтма пулăшаттăмăр. Çак ӗç пӗрре те йывăр мар пек туйăнатчӗ пирӗншӗн. Ăмăртас хăнăху çакăнта пуçланчӗ.

09 августа 2019, 09:30

0