Ял больницисем ҫӗнӗ машиналлӑ пулӗҫ

  Раҫҫейри ял больницисем валли машинасем туянма ятарласа 1,5 млрд тенкӗ уйӑраҫҫӗ.

Ҫакӑн валли укҫасене резервлӑ фондран уйӑрнӑ. Кирлӗ распоряжение Раҫҫейӗн Премьер-министрӗ Михаил Мишустин алӑ пусса ҫирӗплетнӗ.

Укҫасене ФАПсем, врач амбулаторийӗсем, аллӑ пин ҫынран сахалтарах ял тӑрӑхӗнчи район больницисем валли 2 пин автомобиль туянма ярӗҫ. 

Укҫа-тенке 2021 ҫулта уйӑрма палӑртнӑ пулнӑ, анчах та Covid-19  пандемине пула туянусене васкатма шутланӑ.