Хăрушлăх 14 районта

Гидрометеорологипе тавралăх мониторингӗн управленийӗ июль уйăхӗ вӗçлениччен Тутарстанăн14 районӗнчи (Азнакай, Актаныш, Аксу, Элмет, Павлă, Пӗкӗлме, Заинск, Лениногорск, Çӗнӗ Шуçăм, Нурлат, Мензеле, Çарăмсан, Чистай, Ютаза) вăрмансенче 4-мӗш степеньлӗ пушар тухас хăрушлăх пысăккине пӗлтерет.

Çакă республикăн кăнтăр тата кăнтăр-хӗвеланăç районӗсенче çиллӗ, типӗ çанталăк тăнипе çыхăннă. Çавăнпа кунта июлӗн 25-мӗшӗнчен пушара хирӗç режим пуçланнă. Çынсем канма çӳрекен вырăнсене тата çул хӗррисене вӗçӗмсӗр хураллаççӗ. Вăрман хуçалăхӗсем талăкӗпех дежурство йӗркеленӗ. Пушар шӳт мар, уйрăмах вăрманта. Çавăнпа та вăрмана кӗрсен асăрхануллăрах пулар.