Хусан хоккеисчӗсем ӗпхӳсене çӗнтерсе 1/4 финала тухрӗç

Ку эрнере пурте Тутарстан Президентне Рустам Минниханова парне тунă пек туйăнать. Çӗршер салам çумне çак вăхăталла тунă спортсменсен çитӗнӗвӗсем те хушăнаççӗ. Çапла, мартăн 1-мӗшӗнче «Рубин» футболисчӗсем «Сибирь» командине 1:0 шутпа çӗнтерчӗç. Мартăн 2-мӗшӗнче «Ак Барс» «Салават Юлаева» овертаймра парăнтарса Пушкăртстан командине плей-офран кăларса ывăтрӗ. Гагарин кубокӗн чӗрӗк-финалне тухнă çӗнтерӳпе «Ак Барс» Рустам Минниханова юбилейпе саламланисӗр пуçне чемпионатри хăйӗн чи кăткăс хирӗçтăруçине парăнтарчӗ. Çак плей-офри тытăçусем малтанхи çулсенче ытларах Ӗпхӳ команди çӗнтернипе вӗçленетчӗç пулсан, кăçал хусансене ăнчӗ. Чăннипе те лайăх, кăмăллă парне.