Ыран Хусансем 14 сехетчен кăна ӗçлеççӗ-и?

Хусан мэрийӗ Хусанти организацисене июлӗн 6-мӗшӗнче ӗç кунне 14 сехетчен кăна йӗркелеме сӗнет. Хушăва хула пуçлăхӗ Ильсур Метшин алă пуснă та ӗнтӗ, тесе пӗлтерет мэрин пресс-служби.

Ӗç кунне кӗскетес шухăшăн сăлтавӗ – Футболпа тӗнче чемпионачӗн ¼ финалӗн матчӗ Хусанта иртнӗрен транспорт инфраструктурине кăшт пушатасси тата хулари объектсене лайăхрах ӗçлеме майсем туса парасси.

Ыранхи матч мундиалӗн Хусанта юлашки вăййи, «Казань-Арена» стадионра çурма финала тухассишӗн Бразилипе Бельги сборнăйӗсем выляççӗ.