News by category - Тӗп хыпар
-
Тутарстанра ӗнешӗн парăнакан субсиди ӳснӗ
2024 çулта республикăра ял хуçалăх продукцине 142 миллиард тенкӗлӗх туса илнӗ. Пӗлтӗрхипе танлаштарсан унăн ӳсӗмӗ 11 процент ытларах. Анчах пӗтӗмӗшле производствăра хуçалăхсен тӳпи 2 процент (42 процент) чакни харпăр тата фермер хуçалăхӗсенче выльăх сахалланнипе çыхăннине пӗлтерет ТР Ял хуçалăхӗпе апат-çимӗç министерствин пресс-служби.
-
«Шӑпах кунта, вӑрçӑра, халӑхсен пӗрлӗхӗн вӑйӗпе хӑватне ӑнланатӑн», – тет Салтакьелӗнче çуралса ӳснӗ ентешӗмӗр
Александр Нурлат районӗнчи Салтакьелӗнче çуралса ӳснӗ. Шкулта чухнех хастарлăхпа палăрнă: мероприятисене хутшӑннӑ, учительсене пур енлӗн пулӑшма тӑрӑшнӑ, лайӑх вӗреннӗ, спортпа туслӑ пулнӑ. Хӗсметре Инçет Хӗвелтухӑçӗнче тăнă. Салтакран таврăнсан Тольяттири автозаводра ӗçленӗ, каярах Самарăри авиаци заводне ӗçе кӗнӗ.
-
«День Победы — страницы памяти» фотоконкурс пуçланчӗ, хутшăнмасăр ан юл!
Февралӗн 10-мӗшӗнчен Тутарстанра Аслă Çӗнтерӗвӗн 80 çуллăхне халалласа «День Победы — страницы памяти» фотоконкурс пуçланчӗ. Положени тăрăх, конкурса республикăра пурăнакан 7 çулти ачаран пуçласа пурте хутшăнма пултараççӗ. Ветерансен вăрçă вăхăтӗнчи, хыççăнхи е хальхи сăнӳкерчӗкне (5 штукран ытла мар) сканласа вырăсла е тутарла кӗске аннотаципе (хăçан ӳкернӗ, сăнӳкерчӗкре кам ӳкерӗннӗ, пулăм, мӗн туни тата ыттине çырмалла) konkurspobeda85@gmail.com электронлă адреспа е https://t.me/milliardtatarbot телеграмм бота апрелӗн 10-мӗшӗччен ямалла.
-
«Çӗнтерӳ пуйăсӗ» Тутарстана килет!
Поезд çинчех вырнаçнă куравпа февралӗн 15-мӗшӗнче Ешӗлвар хулинче (10.00 –16.00 сехетре, юлашки ушкăна 15:20 кӗртеççӗ), 16 — 18-мӗшӗсенче Хусанта (10.00 –17.00 сехетре, юлашки ушкăн 16:20) паллашма пулать.
-
Парламент урокӗсем республикăри кашни шкулта иртмелле
Февралӗн 4-мӗшӗнче ТР Патшалăх Канашӗнче Фарид Мухаметшин, ТР вӗрентӳпе наука министрӗ Ильсур Хадиуллин тата ТР Патшалăх Канашӗн депутачӗ, Вӗрентӳ, культура, наукăпа наци ыйтăвӗсен комитечӗн председателӗн çумӗ Ирина Терентьева республикăри истори тата обществознани вӗрентекенӗсемпе, методика пӗрлешӗвӗнче ӗçлекенсемпе тӗл пулчӗç.
-
Мӗншӗн-ха чăваш ачисене чăваш поэчӗсемпе, писателӗсемпе ачаран паллаштармалла мар?
Çамрăк чухнехи пек пăлханса кайрăм. Чи кирлӗ сăмахсем кунта, çăмăл мар самантсене çӗнтерме пулăшакан юмах ку! «Халăх шкулӗ» журналăн пӗлтӗрхи пӗр номерӗнче пичетленнӗ «Уйăх çинчи хӗр» юмах тыткăнларӗ мана. Çак юмаха çитӗнсе пынă вăхăтра вуланă пулсан Лăпкăлăх тинӗсӗ инçе маррине, ун патне çитме май пулнине пӗлнӗ пулăттăм. Пӗрре вуларăм, тепре вуларăм, унтан вырăсла предложенисене чăвашлипе танлаштарса вуларăм… Питӗ ăста, ăнланмалла çырнă. Вуланăçемӗн малалла мӗн пуласси кăсăклантарма пăрахмасть. Сăмахӗсем шыв юххи пек вуланаççӗ. Чун ыратăвне, пурин те мар пулин те, нумайăшӗн чăтса ирттерме тӳр килет. Лăпкăлăхпа Уçăмлăх тинӗсӗсем пуррине пӗлеймесӗр юлнисем те пайтах. Шел вӗсене.
-
Тутарстан Республикин Патшалăх гербӗн кунӗ!
Çак историлле кунпа тутарстансене ТР Патшалăх Канашӗн Председателӗ Фарид Мухаметшин саламларӗ.
-
Паттăрсем паттăрсене ӳстерме пулăшаççӗ
2025 çул Раççейре Тăван çӗршыв хӳтӗлевçин çулталăкӗ пулнăран тата Аслă Çӗнтерӗвӗн 80 çуллăхне халлаласа çӗршывӗпех çамрăксемпе ачасем валли патриотизм туйăмне аталантарас тӗллевпе тӗрлӗ мероприяти пулсах тăрать. Раççейри Чăвашсен федераллă наципе культура автономийӗ те Мускав облаçӗнчи Истра хулинче Ют çӗршыв ӗçӗсен министерстви урлă хӗллехи лагерьте канакан ачасемпе Паттăрлăх урокӗ ирттернӗ.
-
Олег Николаев ЧР Патшалӑх Канашӗ умне ҫулленхи Ҫырупа тухрӗ
Чӑваш Республикин Пуҫлӑхӗ Олег Николаев ЧР Патшалӑх Канашӗ умне ҫулленхи Ҫырупа тухнине интересленсех пӑхса лартӑм. Мӗншӗн тесен ытти регионсенче пурӑнакан чӑвашсемшӗн, хамӑр пирки каласан Тутарстан чӑвашӗсемшӗн, Чӑваш Республикин социаллӑ экономика, обществӑлла политика - пӗтӗмлетсе каласан пур енлӗ аталанӑвӗ ҫав тери пӗлтерӗшлӗ.
-
Муниципалсен форумӗн тӗллевӗ – ял-хуласенчи пурăнмалли условисене лайăхлатасси
Федерацин, регионсен тата вырăнти влаçсен 500 ытла представителӗ, архитекторсемпе проектировщиксем, территорисен аталанăвӗн эксперчӗсем ял-хула пурнăçне лайăхлатас, инфраструктурăна аталантарас тата хула тавралăхне хăтлă та хăрушсăр тăвассинче çӗнӗ технологисемпе усă курас ыйтусемпе ӗçлерӗç. Мероприятие хутшăнакансем январӗн 29-мӗшӗнче Хусанти хăтлăх кӗртнӗ тавралăхсемпе паллашрӗç пулсан, 30-мӗшӗнче Башир Рамеев ячӗллӗ IT-паркра пленарлă пайне ирттерчӗç.
-
Анатолий Музыкантов туссене пуçтарать
Паян, январӗн 29-мӗшӗнче Шупашкарти Трактор тăвакансен культура керменӗнче Раççей культура ӗçченӗ, паллă балетмейстер, педагог, «Сувар» халăх ташă ансамблӗн йӗркелӳçи Анатолий Музыкантов хăйӗн 75 çулхи юбилейне паллă тăвать.
-
Раççей Президенчӗн полномочиллӗ представителӗн çумӗ пулма пирӗн йăхташăмăра Александр Тихонова çирӗплетнӗ
Январӗн 28-мӗшӗнчен Паттăрлăх орденне виçӗ хутчен тивӗçнӗ Александр Тихонов Раççей Президенчӗн Федерацин Атăлçи округӗнчи полномочиллӗ представителӗн çумӗн тивӗçӗсене пурнăçлать.
-
Культура министерствин коллегине хăнасем Раççейӗн 81 регионӗнчен килсе çитнӗ
Тутарстан Республикин Культура министерствин коллегине кăçал Раççейӗн 81 субъекчӗн представителӗсем хутшăнчӗç. Мероприяти Г.Камал ячӗллӗ Тутар патшалăх академи театрӗн çӗнӗ çуртӗнче иртрӗ.
-
Республикăра 49 çамрăк çын хваттерлӗ пулнă
Конкурса хутшăнассин тӗп условийӗсенчен пӗри – пӗр çын пуçне пурăнмалли лаптăк 18 тăваткал метртан сахаларх пулни. Çӗнтерес пулсан суйланă хваттершӗн ун пӗтӗмӗшле хакӗнчен 10 процентне тӳлемелле.
-
Галиаскар Камал театрăн çӗнӗ çуртне уçнă çӗре Раççейӗн паллă кино тата театр актерӗ Владимир Машков килчӗ
«Золотая маска» театрăн 31-мӗш фестивалӗ кăçал çулла Хусанта иртессине Раççейӗн халăх артисчӗ Владимир Машков театра уçнă чух пӗлтерчӗ.