News by tag - Чувашская культура

09 октября 2022

ӖЛӖК ПУРТЕ ĂСТА ПУЛНĂ

2022 çул – Раççей халăхӗсен культура еткерлӗхӗн çулталăкӗ. Çавна кура культура учрежденийӗсенче тӗрлӗ мероприятисем нумай иртеççӗ. Теччӗ районӗнчи Çармăс ялӗн библиотекинче шкулта вӗренекенсем валли «Илеме хамăр алăпа тăватпăр» курав йӗркелерӗмӗр. Унта ялти çынсен ал ӗçӗсене пуçтартăмăр.

24 сентября 2022

Санкт-Петербург хулипе Ленинград облаçӗнче пурăнакансем чăваш тӗррипе паллашрӗç

Нева тăрăхӗнчи чăвашсем «Россия – созвучие культур» регионсем хушшинчи этнокультура фестивалӗнчен пӗр çул та юлмаççӗ. Шучӗпе 8-мӗш пулнă фестиваль кăçал Волхов хулинче иртрӗ.Пирӗн чăваш обществи унта «Многообразие чувашской вышивки: быт и одежда» куравпа хутшăнчӗ. Чăваш тӗррин илемӗпе Петербург тăрăхӗнчи чăваш наципе культурин пӗрлешӗвӗн хастарӗсем Алевтина Тимофеевна Челноковăпа Тамара Германовна Николаева паллаштарчӗç, шăпах вӗсем хатӗрленӗччӗ курава. Нева тăрăхӗнчи чăвашсем «Россия – созвучие культур» регионсем хушшинчи этнокультура фестивалӗнчен пӗр çул та юлмаççӗ.

12 июля 2022

Уяв 2022: хăватлă, чаплă, вăйлă тесе калаçаççӗ çынсем. Е мӗнпе тӗлӗнтерчӗç элкелсем Раççей чăвашӗсене.

Уяв 2022. Хăватлă, вăйлă, ӗмӗр асра юлмалли, тӗлӗнмелле, чаплă – çакăн пек эпитетсепме хаклаççӗ Уявра пулса курнисем чăваш праçникне. Вăл чăннипех чăваш халăх культурин историйӗнче ылтăн саспаллисемпе çырăнса юлӗ – ӗмӗрлӗхе. Хăйӗн шайӗпе, анлăшӗпе, инфраструктура пуянлăхӗпе, хăвачӗпе Уяв тӗлӗнтермеллипех тӗлӗнтерчӗ. Чăвашсене кăна мар, ытти наци представителӗсене те. «Грандиозлă», «Космос шайӗнче», «Чăваш культурин чапӗ» – çак сăмахсемпе пуçланă нумай хыпар-хатӗрӗ Элкел районӗнчи Сиктӗрме-Хусанкай ялӗнче иртнӗ Уяв пирки. Уяв лапамӗ юмахри пек, анлă та сарлака вăл. Президент кӗперӗ мӗне тăрать. Праçник кун вăл чăн-чăн фотозонăна çаврăнчӗ.

27 июня 2022

Шупашкар пӗр кунлăха Раççей халăхӗсен тӗп центрне çаврăнчӗ

Июнӗн 24-мӗшӗнче Чăваш Республикин тӗп хули Шупашкар уяв картине çаврăнчӗ тесен те юрать. Республика кунне халалланă мероприятисем тӗрлӗ çӗртре иртрӗç. Пӗтӗм чăвашсен Акатуйӗ вара ку хутӗнче те Амазония паркра тӗпленчӗ. Парка кӗнӗ çӗрте тăршшӗпе ал ӗç ăстисен суту-илӳпе куравӗн сӗтелӗсем. Мӗн кăна тумаççӗ çынсем: çӗлеççӗ, çыхаççӗ, тăмран тӗрлӗ япала ăсталаççӗ, тӗрлеççӗ, картинсем ӳкереççӗ, шăрçа-таврашӗнчен сумка çыхасси таранах. Куç-пуç алчăраса каймалла. Эпир Акатуй лапамне çитнӗ чух ЧР Пуçлăхӗ Олег Николаев шăпах сăмах калатчӗ.

25 января 2022

Çӗпрел районӗнчи ял кунӗсем Хулаçырминчен пуçланчӗç

Çӗпрел районӗнче ял кунӗсем пуçланчӗç. Йăлана кӗнӗ тăрăх мероприятисен черечӗ Хулаçырминчен пуçланать. Кăçалхи Ял кунӗ январӗн 22-мӗшӗнче иртрӗ. Уяв программинче тӗрлӗ ăстасен, шкул ачисемпе ача садӗнче ӗçлекенсен ал ӗçӗсен куравӗ, хоккей ăмăртăвӗ, концерт пулчӗç. Ял-йыша уявпа саламлама килекен паллă ентешӗсемпе хаклă хăнасене хулаçырмисем юрă-ташăпа, çăкăр-тăварпа кӗтсе илеççӗ ялан.

26 декабря 2021

Чăваш наципе культура автономи Канашӗн пайташӗсем Çӗнӗ çул умӗнхи ӗçлӗ канашлăвне ирттерсе çулталăк пӗтӗмлетӗвӗсене турӗç

Декабрӗн 26-мӗшӗнче Чăваш наципе культура автономи Канашӗн анлă ларăвӗ онлайн-форматпа иртрӗ. Унта районсенчи Чăваш наципе культура центрӗсен председателӗсем хутшăнчӗç. Çавсен шутӗнче Петр Плотников (Чистай), Роза Чентаева (Аксу), Инна Лисина (Элмет), Владимир Ильин (Пăва), Елена Кондюкова (Çырчалли), Галина Терентьева (Нурлат), Елена Алексеева (Кайпăç), Валентина Якличева (Спас), Ирина Трифонова (Сувар) пулчӗç. Ларăва ЧНКА председателӗн пӗрремӗш çумӗ Константин Малышев ертсе пычӗ. Ӗçлӗ канашлура ЧНКА Канашӗн пайташӗсем çулталăк пӗтӗмлетӗвӗсене туса малашнехи çул планне сӳтсе яврӗç.

09 апреля 2021

«Чăваш пики» конкурсăн Хусанти тапхăрӗн çӗнтерӳçи паллă

Ӗнер Хусанти Туслăх Çуртӗнче юбилейлă Х «Тутарстан Чăваш пики» республика конкурсне хутшăнас тӗллевпе Хусан хулинчи тапхăр иртрӗ. Урăхла каласан, пулас конкурсанткăсен кастингӗ.Жюрире Хусанти ЧНКЦ председателӗ Константин Малышев, «Тутарстан Чăваш пики» дирекцийӗн ертӳçи Сильвия Чаркина, хореограф Галина Семенова пулчӗç.

11 июля 2020

Паян Уяв вӗçленчӗ

Мероприяти онлайн майӗпе иртрӗ пулин те эпир Уявăн атмосферине, кăмăлне туллин туйма пултартăмăр. Аксу, Элкел, Çарăмсан, Элмет, Çӗпрел тата ытти районсенче фольклор ушкăнӗсен юрри-ташши, уяв йăлисене туни ăмăртмалла тенӗ пек социаллă сетьсенче тухса пычӗ. Калăн пӗтӗм тӗнче чăваш культурине чăмнă. Паллах, ку питӗ савăнтарать.