News by tag - чувашский язык

25 апреля 2025
Манас марччӗ чӑваш чӗлхине!

Апрелӗн 25-мӗшӗнче эпир Чăваш чӗлхи кунне уявлатпăр. Çак кун пирӗн Аслӑ Вӗрентекенӗмӗр Иван Яковлевич Яковлев çуралнӑ. «Пӗр чӗлхе – пӗр ӑс, икӗ чӗлхе – икӗ ӑс», – тенӗ вӑл. Тӑван чӗлхепе пӗрле вырӑс чӗлхине те лайăх пӗлмелле.
25 апреля 2025
Чăваш чӗлхи кунӗпе!

Паян, апрелӗн 25-мӗшӗнче, Чăваш чӗлхи кунне уявлатпăр. Аслă Вӗрентекенӗмӗр Иван Яковлевич Яковлев çуралнă кун паллă тăваççӗ ăна. Чăваш тӗнчи Тăван чӗлхе кунне 1992 çултанпа паллă тăвать.
31 января 2025
Олег Николаев ЧР Патшалӑх Канашӗ умне ҫулленхи Ҫырупа тухрӗ

Чӑваш Республикин Пуҫлӑхӗ Олег Николаев ЧР Патшалӑх Канашӗ умне ҫулленхи Ҫырупа тухнине интересленсех пӑхса лартӑм. Мӗншӗн тесен ытти регионсенче пурӑнакан чӑвашсемшӗн, хамӑр пирки каласан Тутарстан чӑвашӗсемшӗн, Чӑваш Республикин социаллӑ экономика, обществӑлла политика - пӗтӗмлетсе каласан пур енлӗ аталанӑвӗ ҫав тери пӗлтерӗшлӗ.
03 декабря 2023
Тымар вăй парса тăрать

Хусанти чăваш вырсарни шкулӗн вӗрентекенӗпе, Тутарстан Республикинчи Чăваш наципе культура автономийӗн Канашӗн пайташӗпе Сильвия Чаркинăпа тӗл пултăмăр.
02 декабря 2023
Гран-при — Элкеле!

Наталья Коновалова «Шкул çулне çитменнисен программине тăван чӗлхепе пурнăçлакан чи лайăх педагог (чăваш, удмурт, мари, мордва)» республика шайӗнче иртнӗ конкурсра çӗнтерсе Гран-при илни ӗçтешӗсемпе çывăх çыннисемшӗн çеç мар, пӗтӗм чăвашшăн савăнăç.
01 декабря 2023
Тăван чĕлхене ачаран пĕлмелле

Ноябрӗн 23-24-мӗшӗсенче Хусанти Халăхсен Туслăх Çуртӗнче пӗрремӗш хут «Шкул çулне çитменнисен программине тăван чӗлхепе пурнăçлакан чи лайăх педагог (чăваш, удмурт, мари, мордва)» республика шайӗнче иртнӗ конкурса пӗтӗмлетрӗç.
23 апреля 2022
Анат Камăри 34-мӗш гимназире «Яковлев вулавӗсем» тухăçлă иртрӗç

Ака уйăхӗн 15-мӗшӗнче Анат Камăри 34-мӗш гимназире регионсен хушшинчи «Яковлев вулавӗсем» наукăпа практика конференцийӗ 4-мӗш хут иртрӗ. Çак конференцие республикăри пӗтӗмӗшле пӗлӳ паракан шкулсенче 1-11-мӗш классенче вӗренекенсем Алексеевски, Çарăмсан, Теччӗ, Пӗкӗлме, Пăва, Аксу, Çӗнӗ Шуçăм, Апас, Элкел, Элмет, Çӗпрел районӗсенчен, Хусанпа Анат Кама хулисенчен хутшăнчӗç.
08 мая 2021
Тăван чӗлхесен çулталăкӗнче чăваш çырулăхне 150 çул çитни символлă

Кăçал Тăван чӗлхесен тата халăхсен пӗрлӗхӗн çулталăкӗнче чăваш çырулăхӗн 150-çуллăхне палăртатпăр. Ку хăйне май символлă. Иван Яковлевич Яковлев чăваш алфавитне йӗркелени мӗн тери пысăк екер пулнине кашни чăваш ăнланать-ши? Мӗн каласа хăварнă-ха вăл пире? Çӗнӗ çырулăх чăваш литература чӗлхине никӗсленӗ, илемлӗ литературăна аталанма майсем уçса панă «...Эй, тăван çыннăмсем! Чăн кăмăлтан тав тăватăп сире. Эсир маншăн ялан та ăшă пултăр, кăмăллă пултăр. Сиртен çакна курма эпӗ тивӗçлӗ те пулман. Çаплах тата вырăс çыннисене те нумайăшне, пит нумай çынна, чунтан тав тăватăп. Ман ӗçе тума вӗсем нумай пулăшрӗç, чăн кăмăлтан ман енче тăчӗç. Хампа пӗрле ӗçленӗ юлташăмсене, мана пулăшса пурăннă мӗнпур çынна пурне те чунтан каласа тав тăватăп: нимӗне хапсăнмасăр вӗсем мӗнпур халӗсемпе ӗçлерӗç, вӗсемсӗр пуçне ман ӗçӗм те палăрман пулӗччӗ. Пӗр хам анчах вӗрентнӗ хамăн çыннăмсене кăмăлтан ырă сунатăп. Эпӗ вӗсене вӗрентсе ларнă вăхăтсем ман пурнăçра чăн савăнăçлă вăхăтсем пулчӗç. Пурăнан пурнăçăрта сире пурсăра та Турă сыхласа, упраса усратăр».