News by tag - дакар

07 января 2022
«Дакарта» 5 тапхăр хыççăн малтанхи виçӗ вырăнта пирӗннисем!

Халăхăн ытларах пайӗ Çӗнӗ çулпа Раштав уявӗсенче канупа киленет пулсан, теприсем çак вăхăтра нихçанхинчен вăйлăрах тар тăкаççӗ. Тӗслӗхрен, Çырчаллинчи «КАМАЗ-мастер» командăн спортсменӗсем. Вӗсем халӗ Сауд Аравийӗнче историре 44-мӗш хут иртекен «Дакар» раллие хутшăнаççӗ.
17 января 2021
Пьедестал çинче – пирӗннисем!

Тутарстан команди кăçал та болельщиксен шанăçне тӳрре кăларчӗ – пӗрремӗш вырăна кăна мар, виçӗ 1-мӗш вырăна та «КАМАЗ-мастер» командăн экипажӗсем йышăнчӗç. Пьедестал çинче – пурте пирӗннисем. 1-мӗш вырăн – Дмитрий Сотников, 2-мӗш – Антон Шибалов, 3-мӗш – Айрат Мардеев экипажӗсем. Сăмах май, 2015 çулта та пӗрремӗш виçӗ вырăна «КАМАЗ-мастер» йышăннăччӗ. Андрей Каргинов вара кăçал «Дакара» 7-мӗш вырăнпа вӗçлерӗ. Саламлатпăр ентешсене!
02 января 2021
«Дакар – 2021» пуçланать. Дмитрий Никитин «Сувар» вулаканӗсене Сауд Аравийӗнчен салам ячӗ!

Çырчалли чăвашӗ, 501-мӗш экипажăн штурманӗ Дмитрий Никитин «Сувар» вулаканӗсене Сауд Аравийӗнчен Çӗнӗ çул ячӗпе пысăк салам ячӗ. «Пурне те Çӗнӗ 2021 çул ячӗпе саламлатăп! Çирӗп сывлăх, телей, ăнăçу сунатăп. Эпир пӗтӗм тӗрӗслев витӗр тухрăмăр, старта тухма хатӗр!» – терӗ Дмитрий Николаевич.
23 января 2020
Дмитрий НИКИТИН: «КАМАЗ» ХĂВАЛАСА ÇИТРӖ-ТӖК – ХЫÇАЛА ЮЛМАСТЕХ!»

Çакнашкал марафонсен историйӗнче пуçласа кăçал çӗнтерӳçӗсене наградăлас церемонире 1-мӗш вырăн йышăннă спортсмен ăçтан, çав çӗршывсен патшалăх гимнӗсене хускатрӗç. Тата çакна та каласа хăвармалла: Сауд Аравийӗ – тӗн йăли-йӗркине çирӗп пăхăнакан çӗршыв, çавăнпа та пӗтӗм мероприяти эрех ӗçмесӗр, «типӗлле», иртрӗ. Çӗнӗ çула та эпир ача-пăча шампанскийӗпе кӗтсе илтӗмӗр. Кăçалхи «Дакарта» йӗркелӳçӗсем пирӗн командăна уйрăмах лайăх йышăнни, хака хуни палăрчӗ. Унччен апла пулман. Çакă ралли-марафон ертӳçисемпе йӗркелӳçисем улшăннипе те çыхăннă пулӗ. Ăмăртăва йӗркелесе ирттересси те хальхинче çӳллӗ шайраччӗ: апатран пуçласа пурăнмалли вырăн, условисем таранах йăлт аванччӗ. Чупăва хупас церемони мӗне тăчӗ кăçал! Ун пек лазерлă шоусем эпир халиччен курман.
18 января 2019
ПИРӖН «КАМАЗ» ХĂЙĂРТАН ХĂРАМАС!

Эпир те «КАМАЗ-мастер» командăна, уйрăмах хамăрăн йăхташăмăра Дмитрий Никитина черетлӗ çӗнтерӳпе саламлатпăр. Малашне те автоспортра та, кулленхи пурнăçра та пысăк çитӗнӳсем тума сунатпăр!
16 января 2019
«ДАКАР –2019» ЧĂВАШ ЭКИПАЖӖ ХАЛЬЛӖХЕ МАЛТА!

Умра чи хӗрӳ, кашни болельщике хумхантаракан тапхăрсем. Хамăрăннисене йышăннă позицисене сыхласа хăварса «Дакар – 2019» подиумӗ çине тăрса Ылтăн Бедуина тивӗçме чӗререн сунатпăр! Турă пулăштăр.
08 января 2019
«Дакар – 2019»: 1-мӗш тапхăрта Николаев малта

Пирӗн патра -20 градус сивӗ тăрать, унта вара чăтма çук шăрăх. Чупăва йӗркелекенсем спортсменсене шеллеме шутламан куран кăçал: пӗрремӗш тапхăртах кăткăс ятарлă участок хатӗрленӗ. Вырăнти корреспондентсем пӗлтернӗ тăрăх, ăна техникăпа чупса тухма никама та çăмăл пулман: хăйăр тăвăлӗ, пӗчӗк мар хăйăр куписем, чăнкă айлăмсем... Чăнкă хăйăр тусем çинчен аннă чух çаврăнса ӳкекенсем те пулнă.
07 января 2019
«Дакар – 2019» пуçланчӗ

Раççей чысне кăçал яланхи пекех Çырчаллинчи «КАМАЗ-мастер» команда хӳтӗлет. Тăватă экипажпа хутшăнаççӗ ентешсем: 500-мӗш – Эдуард Николаев, Евгений Яковлев тата Владимир Рыбаков; 502-мӗш – Айрат Мардеев, Дмитрий Свистунов тата Ахмет Галяутдинов; 514-мӗш – Дмитрий Сотников, Дмитрий Никитин тата Ильнур Мустафин; 518-мӗш – Андрей Каргинов, Андрей Мокеев тата Игорь Леонов.