Халăх календарĕ

• Нарăс уйăхӗн 13-мӗшӗ — Никита. Ула кураксемпе чанасем хытă шавлаççӗ — çил-тăмана. Уйăх тӳпере ялтăр çутă — çанталăк аван пулать.

• Нарăс уйăхӗн 14-мӗшӗ — Трифон. Çак кун юр çусан çуркунне çумăрлă пулать. Ку кунхи çанталăк нарăс уйăхӗн иккӗмӗш çурри мӗнле пуласса кăтартать. Ăшă пулсан тата 30 кун ăшă тăрать. 

• Нарăс уйăхӗн 15-мӗшӗ — Сретени. Çил-тăман тухсан çуркунне вăраха тăсăлать. Тумла юхать — тулă ăнса пулать. Тӳпере çăлтăр нумай — çуркунне вăраха тăсăлать. 

• Нарăс уйăхӗн 16-мӗшӗ — Семен тата Анна. Тӳпере çăлтăр нумай — сивӗтессе, сахал-тăк — çанталăк пăсăласса. Çак кун юр çусан çулла çумăрлă пулать. 

• Нарăс уйăхӗн 17-мӗшӗ — Никола. Йывăçсене пас тытни ку çул тухăçлă пуласса систерекен паллă. Вăрман, юманлăх хуп-хуран курăнать — ăшăтасса. 

• Нарăс уйăхӗн 18-мӗшӗ — Агафья. Çак кун ăшă пулсан хӗллехи сивӗсем текех пулмаççӗ. Шатăр сивӗ-тӗк — çулла типӗ те шăрăх пулать.