Ӗлӗк чăвашсен Мăнкунӗ вырсарникун пулман

Тӗне кӗмен чăвашсен йăли тăрăх, Мăнкуна халӗ те православи Мăнкунӗ умӗнхи юнкунра паллă тăваççӗ. Вӗсем пиçнӗ çăмартана çăкăр çине тураса çеççӗ иккен. Çавăнпа та мăн+кун сăмах та вырăссен пасхинчен (еврейсенчен куçнă «пасех») пулса кайман-тăр, ӗлӗкрех хăй тӗллӗн йӗркеленнӗ уяв пулнă пулмалла. Тӗпрен илсен ку темех мар пек. Çапах çак уяв умӗн Калăм иртет. Вăл чăвашсен тӗш-мӗшӗпе тӳррӗммӗн çыхăннă. Калăм каç кил-хуралтă тавра сенӗк е кӗрепле утланса йӗр шăйăрса тухнă. Çак каç урама кӗпе-йӗм типӗтме çакса хуман, тухатмăшсем ереççӗ тесе шаннă. Халӗ те хăш-пӗр районсенче çак йăла сыхланса юлнă.