Путса вилме сахал шыв та çитет

Шăпах çапла калама пулать пуль декабрӗн 11-мӗшӗнче Павлă хулинче çӗрле пулнă инкек пирки.

Хальлӗхе паллă пулнă тăрăх, 12-ри хӗрача каçхине 23 сехет тӗлӗнче душа çăвăнма кайнă. Вăхăт самаях иртсен те хӗрӗ тухманнипе сисчӗвленнӗ ашшӗ ун хыççăн кайнă та пӳлӗме ваннăйран шыв сăрхăннине курах кайнă. Алăка çӗмӗрсе кӗрсен те каярах юлнă çав вăл, хӗрӗ ку вăхăтра ваннăйра шыв çăтса вилнӗ пулнă ӗнтӗ. Инкекӗн сăлтавӗсене хальхи вăхăтра следовательсем тӗпчеççӗ.