Кукша пуçа мӗншӗн куршанкă çыпăçмасть?

Районти театр юратакансен коллективӗсен «Театральные подмостки» фестивалӗ шайӗнче апрелӗн 20-мӗшӗнче Кăнна Кушкинчи Культура çуртӗнче вырăнти артистсем Н.Сидоровăн пьеси тăрăх «Кукша пуçа куршанкă çыпăçмасть» спектакль лартрӗç, пӗлтерет вырăнти ЧНКЦ пресс-служби. Камитре тӗп вырăнта –  хӗрарăм телейӗ, юратупа туслăх, пурнăçăн хуть хăш самантӗнче те юнашар ăнланакан, тӗрев паракан çынсем пуррине хакласси.

Ял артисчӗсем хăйсен ролӗсене профессиллӗ сцена ăстисенчен пӗрре те кая мар калăпларӗç. Куракансем тăвăллăн алă çупса хавхалантарчӗç артистсене. (Пресс-служба сăнӳкерчӗкӗсем).